يقول عبادي
:
كل ما نرسى
في مينا .. نقول مينا ثاني
وأقول :
ليش تدور مينا ثاني ؟!
وإنت بعدك
ما وصلت الأول .. ولا راح توصل
مافي مينا
..
يا عبادي ..
مافي مينا
هذا بحر
ممدود .. والموج شايش
يخنق العاقل
ويطبطب على الطايش
يبلع الطيب
وتارك الملعون مبسوط وعايش
**
مينا !
جاي تدور
على مينا ؟!
إلا البلا
فينا
يا عبادي والله
البلا فينا
ما تعلمنا
العوم بين الحشايش
ولا عاد
يمدينا .. فرصة وراحت علينا
أول ما
نزلنا الغوص .. إحنا اللي ربّطنا يدينا
ولا عيال
اللذين .. رموا كل القيود .. ولابسين الغوايش
**
هذا البحر
مو لينا .. والله العظيم ماهو لينا
لا تدور على
مرسى ولا مينا .. مافي هنا غير الجحور والخشايش
0 التعليقات :
إرسال تعليق